پێنج هه‌زار سه‌ربازی ئه‌مریکی به‌شداری شه‌ڕی موسڵ ده‌که‌ن و له‌ ئێستادا تۆپخانه‌کانیان بۆردوومانی موسڵ ده‌که‌ن

image

سه‌رچاوه‌یه‌كی ئاگادار پلانێكی نوێی ئاشكرا كرد به‌پێی ئه‌و پلانه‌ هێرشێكی سه‌ربازی له‌پێنج میحوه‌ره‌وه‌ ئه‌نجام ده‌درێـت و پێشڕه‌وی بۆ سه‌نته‌ری شاری موسڵ ده‌كرێت.
له‌ جێبه‌جێكردنی ئه‌و پلانه‌ پێنج هه‌زار سه‌ربازی ئه‌مه‌ریكی به‌شداری ده‌كه‌ن و نزیك موسڵ بڵاو ده‌كرێنه‌وه‌، له‌گه‌ڵ كه‌رته‌ سه‌ربازییه‌كانی میحوه‌ری باكور پێشڕه‌وی ده‌كه‌ن.
هه‌ر به‌پێی پلانه‌كه‌ رێگه‌ به‌ حه‌شد ده‌درێت به‌ره‌یه‌كی دیكه‌ له‌ به‌ری راستی موسڵ بكه‌نه‌وه‌ بۆ ئه‌وه‌ی ئه‌و بۆشاییه‌ پڕ بكه‌نه‌وه‌ كه‌ پۆلیسی فیدرالی به‌جێیان هێشتووه‌ دوای ئه‌وه‌ی بۆ رۆژهه‌ڵاتی موسڵ گوازرانه‌وه‌.
سەرچاوەیەک لە سوپای عێراق روونیکردەوە له‌ چه‌ند رۆژی رابردوو سوپای ئەمریکا بە مووشەکی دوورھاوێژ چەندین پێگەی رێکخراوی داعشی لە باکووری مووسڵ تۆپباران کرد، ئەمەش بۆ ھاوکاریکردنی ھێزە عێراقییەکان لە پێشڕەوییەکانیان.
ئەمە یەکەمجارە سوپای ئەمریکا باکووری مووسڵ بە مووشەکی دوورھاوێژ دەکاتە ئامانج، ئەمەش دوای سست بەڕێوەچوونی پێشڕەوییەکانی سوپای عێراق لە رۆژھەڵاتی مووسڵ.
ئۆپەراسیۆنی كۆنترۆڵكردنەوەی مووسڵ لە 17/10/2016 دەستیپێكرد، سوپای عێراق و ھێزی پێشمەرگە بە ھاوكاری ھێزەكانی ھاوپەیمانان تا ئێستا نزیكەی 40 گەڕەكی شاری مووسڵیان لە دەستی داعش رزگاركردووە.