سەرۆكی دیوانی سەرۆكایەتی، بە نوێنەرایەتیی سەرۆك بارزانی سەرەخۆشی لە كۆنسووڵخانەی بەریتانیا دەكات

image

سەرۆكی دیوانی سەرۆكایەتیی هەرێمی کوردستان، بە نوێنەرایەتیی (سەرۆك بارزانی)، سەرەخۆشی لە كەسوكاری قوربانیانی كرد بە بۆنەی كردەوە تیرۆریستییەكەی شاری لەندەن لە 3ـی 6ـی ،2017 كە ژمارەیەك هاووڵاتیی بوونە قوربانی.
ئەمڕۆ یەكشەممە 4ـی 6ـی 2017، لە پەیوەندییەكی تەلەفۆنی لەگەڵ كۆنسووڵخانەی بەریتانیا لە هەولێر، (د. فواد حوسێن) سەرۆكی دیوانی سەرۆكایەتیی هەرێم بە نوێنەرایەتیی (سەرۆك بارزانی)، پەیامی هاوخەمی و هاوسۆزیی بۆ گەل و حكوومەتی بەریتانیا بە كۆنسوڵخانەکەی لە هەولێر گەیاند بە بۆنەی كردەوە تیرۆریستییەكەی شاری لەندەن لە 3ـی 6ـی ،2017 كە ژمارەیەك هاووڵاتیی بوونە قوربانی.
لەم پەیوەندییەدا، سەرۆكی دیوانی سەرۆكایەتی سەرەخۆشی لە كەسوكاری قوربانیان كرد و، جەختیشی لەوە كردەوە كە تیرۆر هەڕەشەیەكی جیهانی و هەمەلایەنەیە و لەم ڕووداوە تیرۆریستییەدا گەلی كوردستان هاوخەمی گەلی بەریتانیایە.
هه‌والی تر