ته‌قه‌که‌ره‌که‌ی فڕۆکه‌خانه‌که‌ی فلۆریدا نه‌خۆشی ده‌روونی هه‌بووه‌ پێشتر له‌ عێراق خزمه‌تی کردووه‌

image

شه‌وی رابردوو به‌ کاتی کوردستان، له‌ فڕۆکه‌خانه‌یه‌کی فلۆریدا هێرشێکی چه‌کداری روویدا و چه‌کدارێک به‌ شیوه‌یه‌کی هه‌ڕه‌مه‌کی ته‌قه‌ی له‌ خه‌ڵک کرد و له‌ ئه‌نجامدا 5 که‌س کوژران و 8 که‌سیش بریندار بوون.
به‌پێی زانیاریه‌ رۆژنامه‌وانیه‌کان ئه‌و چه‌کداره‌ دوای ئه‌نجامدانی هێرشه‌که‌ی له‌لایه‌ن هێزه‌ ئه‌منیه‌کانه‌وه‌ کوژراوه‌ و ده‌رکه‌وتووه‌ نه‌خۆشی ده‌روونی هه‌یه‌.
ئه‌و چه‌کداره‌ ناوی ئیستییان سانتیاگۆیه‌ و ته‌مه‌نی 26 ساڵه‌ و له‌دایکبووی ویلایه‌تی نیوجێرسیه‌ و پێشتر له‌ عێراق خزمه‌تی سه‌ربازی کردووه‌.
به‌پێی لێدوانی پۆلیسی فڕۆکه‌خانه‌ سباستیان دوای ئه‌وه‌ی جانتاکه‌ی وه‌رگرتووه‌ته‌وه‌ که‌ چه‌کی تێدا بووه‌ و چووه‌ته‌ ته‌والێت و چه‌که‌که‌ی پڕ فیشه‌ک کردووه‌ و هاتووه‌ته‌ ده‌ره‌وه‌ و ده‌ستی به‌ ته‌قه‌کردنی هه‌ڕه‌مه‌کی کردووه‌ و چه‌ندین قوربانی لێکه‌وتووه‌ته‌وه‌ که‌ منداڵ و ئافره‌تی تێدایه‌.
شایه‌دحاڵێک ده‌ڵێ: " له‌ کاتێکدا ته‌قه‌که‌ره‌که‌ ده‌یویست چه‌که‌که‌ دووباره‌ پڕ بکاته‌وه‌ پۆلیس ته‌قه‌یان لێ کردووه‌ و کوشتوویانه‌."
پۆلیسی فڕۆکه‌خانه‌ش رایانگه‌یاندووه‌ که‌ هێرشبه‌ره‌که‌ به‌ ته‌نیا بووه‌ و هیچ که‌سی تری له‌گه‌ڵ نه‌بووه‌.

س: ئاژانسه‌کان

و: kdpmr.org