فازل میرانی.. موژدەی دەوڵەتی كوردی دەدات

image

ئەمجارە فازل میرانی سكرتێری مەكتەبی سیاسی پارتی دیموكراتی كوردستان وەكو میوان لە بەرنامەی (خاڵی گفتوگۆ) لە BBC بەشدار بوو، لە بەرنامەكەدا میرانی تەئكیدی كردەوە بێ پێچ و پەنا لە قەناعەت پێهێنانی سیاسیدا هەڵمەتبڕە. بەرنامە توێكارییەكە لەبارەی راپرسییەوە بوو، تا بە هزرێكی عەرەبیانەی وتوێژكار و پێناسەی بەریتانی بۆ وێستگەكەو بەشداری جەماوەری نەوەی لاوەكان لە. پێكهاتە جۆراوجۆرەكانی عێراقدا، پرسەكە تاوتوێ بكرێت. لەسەرەتادا میرانی بۆ شەرعیەتدان بە بابەتی راپرسی باسێكی كورت و پوختی مێژوویی لەبارەی ئەو بابەتە خستەڕوو.
میرانی ئامادەی قسەكردنەكە بوو، تا بڕیارێكی شەرعیانەی كۆمەڵایەتی و سیاسی، لە كۆ هەستی كوردانە، بە پرسەكە ببەخشێت. ئەوەی گفتوگۆكەی سەركەوتووتر كرد ئامادەبوونی وتووێژكارێكی عەرەبی نا عێراقی بوو، كە دنەدانە ئەرێنییەكەی لەگفتوگۆكانیدا لەكاتی وەڵامدانەوەی میرانی، راستی و رەوایی وەڵامدانەوەكانی سكرتێری پارتی دەردەخست.
بازنەی گفتوگۆیەكە دیمەنێكی پێشكەوتووی لەسەر ئەو ئاراستەیەی كە رەوشە نوێیەكە دەیگرێتەبەر جا پێی رازی بن یا نا، یاخود سەرنجیان لەسەر هەبێت یا نا، خستەڕوو، گرنگترینیان؛ خستنەڕووی ئەو زانیارییانە مێژوویی و جوگرافیانەی لەسەر هەقیقەتی خاك و نەتەوەی كوردو چۆنیەتی دابەشكردنی و چۆنیەتی سەرهەڵدانی مەینەتی كورد و گەشەسەندنە خراپە نێودەوڵەتییەكان بە ئاراستە خنكاندنی سەرلەبەری نەتەوەیەك. فازل میرانی نە لەو جۆرە كەسانەیە كە لە كاتی هەڵمەتی سیاسیدا جڵەو جێهێڵێت، نە لەو كەسانەشە قسەیەك بكات، دوور لەو مەبەستەی ئەو گەرەكیەتی واتای تر هەڵبگرێت.
تەواوی كورد لەگەڵ دەوڵەتی كوردییە، هەتا ئەگەر هەندێ بەرهەڵستكاری سیاسی حزبەكەمان رای دیكەیان لەسەر سەرۆكی ئەو دەوڵەتە هەبێت كە سەرۆك بارزانی خاوەنی پرۆژەكەیە. حكومەتی بەغدا بە كردار حكومەتێكی مەركەزییە و ئیتیحادی نییە، ئەگەرچی لە نووسراوە رەسمییەكانیشیان ئەوە نووسرابێت، ئایا نووسراو چ سوودێكی دەبێت ئەگەر بە شێوەیەكی رەوایانەو بە كردار جێبەجێ نەكرێت؟!
ئێمە بە ئەرك هاووڵاتین و ناوەڕۆكی هەقمان لەسەر سەپێنراوە، بەڵام بەهۆی گیانی خۆ سەپاندنەوە بەدواكەوتوویی و ناتەواوی. راكردن بەرەو پێشەوە كارێكی خراپ نییە، لەوانەیە رێگای رووبەڕووبوونەوەی نەیارەكانمان بگرینەبەر؟
ئەمە وەڵامەكانی میرانی بوو كە ئاڵای ئەو دەوڵەتەی لەم نزیكانە لەدایك دەبێت هەڵگرتبوو، پارچەیەك لە ئاڵاكەی لەسەر جلە شینەكەی هەڵواسیبوو، كە ئەمەش دیقەتی میرانی بۆ هەڵبژاردنی رەنگی گونجاو بۆ بۆنەكان دەردەخات؟ سكرتێری مەكتەبی سیاسی پەنجا ساڵە لەگەڵ سەركردایەتی بارزانیی باوك و كوڕەكەی لە سەخت ترین رەوش كاری كردووە، ئیدریس و مەسعود نموونەیەكی هزرین و لە پێگەیاندنی دەوڵەتی كوردی بەشدارن، هەر بۆیە میرانی نموونەی بەرەی كوردستانی هێنایەوە كە لە كاتێكدا وڵاتیان بەڕێوە برد، سەدام بە ئەنقەست هەوڵی تێكدانی كۆلەكەكانی مانەوەی دەدا.
فازل میرانی بە رۆشنبیرییە زمانەوانیەكەی كە لە زمانی عەرەبی و فارسی و توركی و ئینگلیزی و كوردی زمانی دایك پێكهاتووە، بۆ بەهێزكردنی دەربڕینەكانی، رای خۆی بە بەیتە شیعرییەكانی رەسافی شاعیری عەرەب دەردەبڕی كە لە بنچینەدا كەسێكی كوردە. تا ئەوانەی بەرنامەكەیان بینی لەوە تێبگەن پەنچە لەسەر گوێچكە دانان لەكاتی بانگداندا نموونەیەكە لە قورئان لەبارەی قەومی نوح هاتووە، نموونەیەكە بۆ ئەو بڕیار بەدەستانەی كە ئەمڕۆ لە دژی نەتەوەی كورد كار دەكەن، ئیدی سەربووردەو ئاكامی نوح و میللەتەكەی ئاشكرایە. بینەرانی بەرنامەكە لە كورد و مەسیحی و عەرەب بە پیاو و ئافرەتەوە لە سوورگەی سیاسی میرانی دوور نەكەوتنەوە، میرانی خاوەن وتەیەكی باوە كە دەڵێت "ئەوەت پێ دەڵێم كە تۆ تێی دەگەی".
ن: شامل حەمدوللا
و: خالید گـەردی
خەبات